徐淑敏大讚吳卓羲為人幽默，但私下並不熟絡。
徐淑敏（Suki ）和吳卓羲都是容易惹緋聞的人，可是二人在新劇《巾幗梟雄》中雖有不少對手戲，戲外始終無緣過電，Suki 坦言害怕緋聞纏身，所以她與吳卓羲合作期間盡量保持距離，實行不讓火花有燃點機會。
徐淑敏在《巾幗梟雄》中，經常用「神雀」戲弄歡喜寃家吳卓羲。劇照
徐淑敏與黃重生（左）分手後，身邊不乏追求者，但她卻樂得專注事業發展。資料圖片
徐淑敏在熱播中的無綫劇集《巾幗梟雄》中與馬凱倫扮演兩母女，她們經常行騙，後來改邪歸正，做了吳卓羲的妹仔，發展成一對歡喜寃家，可是劇集由拍完至現在出街，卻未爆出二人撻着的蛛絲馬迹，Suki 笑說：「因為我識避嘛。」
徐淑敏承認恨拍拖，但表示急不來。
吳卓羲每次拍劇總會跟女拍檔傳緋聞，他這次遇上「咪神」Suki 卻沒過電，她說：「係咪好難得呢？或者我哋大家都係處女座，所以碰埋就要彈開。其實最初知同佢合作都有啲驚㗎，始終大家都易有緋聞，不過我哋開工還開工，套劇拍完，我哋都冇聯絡。」雖然與吳卓羲合作期間沒擦出愛火花，但Suki 對他還是讚不絕口，她說：「佢係一個好幽默嘅男仔，佢好有長輩緣，個個都對佢好好。」
Suki 自從與工程師男友黃重生分手，回復自由身後樂得專注事業發展，她說：「我承認恨拍拖，但呢啲嘢唔急得，家我將感情事放低晒，得閒咪做朋友嘅電燈膽，成日去餐廳食3 人餐，好彩朋友都歡迎我。」若將來Suki 拍拖，可介意朋友做電燈膽？她抵死的說：「睇吓乜嘢情況啦，食飯梗係冇所謂，但行沙灘就唔好喺度。」
from
http://hk.apple.nextmedia ... art_id=12759273
