靚媽徐淑敏（Suki）和老公黃浩今年留港過農曆新年，Suki的媽咪廚藝了得，每年必親手炮製賀年食品，今年更多了兩個乖孫5歲多的黃心瑤（Vianna）和4歲多的黃心柔（Renee）幫手，加埋Suki三代同堂包餃子和搓湯圓團年。
【整餃皮】
Suki媽咪預早準備好材料，教孫女整餃子。
【包餃子】
Suki與老公黃浩昨在中環ifc行完街，帶三個女轉場到利園掃Hermès。攝影：徐錦池
追仔計劃隨緣
徐媽媽預早準備好材料，她耐心示範每個步驟，Suki主持過不少飲食節目，當然很快上手，婆孫分工合作，Vianna用木夾把粉糰壓成餃子皮，再交媽咪Suki放入餡料對摺製成餃子放碟上，Renee對搓湯圓較有興趣，大約一個小時就將餃子和湯圓弄好，然後Suki把餃子放入鑊中蒸7分鐘，徐媽媽就放片糖煮湯圓。
當餃子和湯圓煮熟，她們就圍坐飯枱一齊享用，Renee愛吃餃子，Vianna則嗜吃湯圓，全家人吃得津津有味。Suki表示老公黃浩愛下廚，囡囡們經常見到爹哋大廚上身，Vianna和Renee都很有興趣，並嚷著要幫手，這次終於如願以償。迎接明天猴年，Suki給囡囡送上馬騮公仔，Vianna和Renee攬住公仔愛不釋手。已有三女的Suki雖有追仔計劃，至於會否生猴仔，一切順其自然，問到她的新年願望，Suki說：「老公好，咁一家人都好。」
另外，Suki一家昨日下午分別到中環及銅鑼灣行街，兩公婆先同大女同二女入蘋果店買iPhone，其間兩個女只掛住望店內玻璃對面的摩天輪，更扭Suki想去玩。黃浩買完電話就一家轉場落銅鑼灣利園掃Hermès，黃浩媽就帶埋Suki孻女加入，三個女在店內跑跳，黃浩負責湊女，而Suki專心買手袋，最後買足兩大袋，一家人分三部車離開。
採訪：比華利、畢紹基
攝影：郭賢興
from:
http://hk.apple.nextmedia ... 160207/19482924
