透視徐淑敏Suki最叻搞喊乖女

徐淑敏（Suki）與老公黃浩、玩具大王蔡志明夫婦和女兒蔡加怡、蕭定一等，昨日在灣仔出席「意贈慈善基金成立晚宴」，杜麗莎擔任演唱嘉賓。性感透視打扮的Suki澄清未有懷孕，聖誕節一家人會去台灣及中東等地旅行。黃浩透露最近忙於搬屋，並大讚老婆出色：「佢丟嘢好叻，丟咗阿女嘅心愛貼紙，搞到個女喊。」問到去旅行會否努力造人追個男B？Suki說：「想遲多一兩年先，等自己冇咁忙。」蔡志明談到新抱汪圓圓陀孖仔：「佢好辛苦，個肚好大，行路都好辛苦，要送多啲禮物畀佢。」

Suki被老公黃浩踢爆丟走囡囡貼紙，令囡囡哭成淚人。資料圖片

蕭定一笑指罵戰由他策劃，將責任攬上身。

蕭定一罵戰攬上身

蕭定一被問到旗下藝人王宗堯仍未收口鬧莊思敏，是否違反命令？他笑說：「唔好咁講，兩個都好得力，幫我做宣傳，即場喊得出，可造之材。係我計劃出嚟，兩個啲戲都好好。」此外，莊思明昨晚在中環出席活動，力撐家姐向來不易喊，她說：「喊得嘅話好委屈，任何一個演員冇資格批評人哋嘅工作。」

採訪：羅慧敏、卓寶花
攝影：沈健程
from:http://hk.apple.nextmedia ... 151216/19413144

徐淑敏與黃浩前日一起參觀懲教所內部環境。

徐淑敏（Suki）和黃浩（Kenny）婚後連生三女，組織幸福五口之家，Kenny近日還送老婆約值3,000萬貝沙灣豪宅，他們都明白幸福非必然，有能力都會關心社會。一直是懲教署懲教助理總會名譽會長的Kenny，前日獲懲教署署長邱子昭安排，到位於葵涌的勵敬懲教所參觀，該懲教所主要收容14至21歲的女囚犯，Suki亦有同行。

Suki和Kenny更跟幾位年輕女囚犯交談，了解她們犯事情況，她們都知錯，並承諾改過自新，Suki兩公婆聽到她們的經歷都感動到眼濕濕，兩人更試了囚犯在懲教所內學到的烹飪技巧所炮製的午餐，大讚好味。Suki昨日在電話中說：「今次經驗好難得，參觀咗佢哋住同埋學嘢嘅地方，佢哋煮嘢好有水準，睇到佢哋有好強嘅心去學習，想改過，同埋準備出番嚟工作。」

黃浩夫妻前日在懲教署署長邱子昭（右）安排下，了解到囚犯的生活。

Suki細心聆聽負責人的講解。

家教囡囡毒禍

對於囚犯大多因為涉及毒品被捕，Suki說：「署長話佢哋都係識咗啲男仔被𠱁食毒品或帶毒品。」身為三女之母的Suki尤其擔心，前晚回家即跟5歲多長女Vianna做分享，Suki勸喻囡囡將來切勿以身試法：「我哋傾咗好耐，佢可能好眼淺，傾到喊，我諗呢次對佢印象好深，我覺得要早啲灌輸小朋友毒品嘅禍害。」Suki還叮嚀Vianna要幫手照顧兩個妹妹，慎防行差踏錯。

至於Kenny則希望社會多接納更生人士，他昨說：「佢哋冇浪費光陰，反而積極進修各項課程提升自己，勇於面對過錯，仲訂下重新做人目標。人誰無過，希望社會唔好歧視更生人士，畀機會佢哋重投社會。」Kenny還把貼相到facebook鼓勵。

採訪：陳杰
from:http://hk.apple.nextmedia ... 151218/19416204