早前本報披露徐淑敏老公黃浩被雜誌《Face》指為「空心老倌」，令黃浩控告對方誹謗。及後疑有人想與黃浩和解，卻被黃浩拒絕，終於派出狗仔隊日夜騷擾對方，導致黃浩發火及向狗仔隊吐口水。昨日徐淑敏出席活動時，力撐老公只出於保護家人，但為了安全，近日都只是留在家中，認真無奈。
昨日，腹大便便的徐淑敏以代言人身份出席化妝品活動，她透露胎兒還有約七周便出生，雖已決定剖腹生產，但仍未決定作半身還是全身麻醉。
今次是黃浩怒噴狗仔隊後，徐淑敏首次出席公開活動。對於在場有記者不禮貌地批評黃浩冇品，她力撐老公表示：「佢唔衝動，其實佢係緊張家人啫。呢件事其實我都有少少嬲㗎。」在場記者又追問她，黃浩吐口水和說粗口，會否擔心胎兒受胎教影響？她笑道：「佢好少響我面前講粗口，還有遇上呢啲衝突時，我都會行開。佢一向好錫我同家人，但唔慣面對傳媒，要慢慢習慣。」最後她表示暫時沒有請保鑣的需要。不過，她會減少外出，近幾天都是悶在家中。
