25歲咪神徐淑敏（Suki）去年11月與37歲的飲食界才俊黃浩在港註冊結婚後，即展開悠長蜜月之旅，上月17日他們到了Kenny故鄉大馬和日本補擺喜酒。日前回港的Suki已擇吉日於3月23日剖腹產女。
現年25歲的徐淑敏上月中腹大便便隨夫婿黃浩一家人到大馬沙撈越古晉補擺喜酒，筵開11席，一家人在當地逗留了一個月，才轉到日本舉行結婚派對，宴請當地好友。由於這段時間得到各地朋友的祝福，以致Suki仍然沉溺在新婚的甜蜜感覺中，完全不覺得自己已結婚兩個月。
特別是在老公家鄉擺酒時，Suki首次與家翁親友見面，她發現大馬的親友很熱情，當地又有很多地道美食，懷孕6個月的Suki完全沒戒口，開懷大吃，體重也驟增。
Suki預產期為3月，Kenny請了高人為太太擇日，於3月23日入院剖腹產女，Suki說：「成個月得呢日最夾我同老公，所以選咗呢日生，呢排唔知係咪因為成日聽一啲結咗婚嘅朋友講生仔經，搞到日有所思，呢排發夢都會夢見自己喺手術室生緊BB，真係嚇到醒埋。」為人妻子後，她覺得婚姻生活很美滿，因為Kenny一家人都很錫她。
日前從日本回港的Suki表示：「老公帶咗我去日本環球片場玩，不過因為大肚，機動遊戲就唔敢玩，Kenny好緊張，連高踭鞋都叫我唔好着。」
唔戒口嘆魚生
Suki續說：「喺日本食咗好多靚魚生、和牛同生蠔，真係好美味呀！老公冇禁止我食嘢，所以今次喺日本食得好痛快。」Kenny表示老婆很孩子氣，面對美食胃口很好，去到環球片場參觀時，她表現得特別興奮。
採訪：林妃
from:
http://hk.apple.nextmedia ... art_id=13589429
