徐淑敏性感上陣瞓地任影

徐淑敏（Suki）結婚後，現正與老公Kenny在澳洲、日本等國家度蜜月，不過之前身為準媽媽的她都不停出席活動及工作，更為化妝品牌GIFFARINE拍攝聖誕廣告。在這一輯以「粉紅浪漫聖誕」為主題的平面廣告中，Suki以白色喱士長裙及紫色吊帶雪紡性感裝束示人，拍攝時更瞓在地上給攝影師拍個不停，而攝影師亦將懷孕初期的Suki美態盡攝於鏡頭內，Suki謂︰「當初知道自己懷住嘅係女嬰時，真係非常興奮，因為將來可以幫佢扮靚，由懷孕到依家我肥咗十幾磅，雖然身材未至走樣，但包包臉出晒嚟，惟有靠化妝補救。」