呢頭話旅行整親，鄭希怡Yumiko轉個頭就宣布婚訊。咁鬼多災多難都有人認頭，都算係因禍得福啦。女友受傷，身為男友及準夫婿嘅Andy，自然要照顧得無微不至。早兩日，媽咪姐喺中環見到Andy陪Yumiko上咗一間商業大廈，出嚟之後兩個人就行咗上擺花街一間日本餐廳食晏。睇見Andy細心餵Yumiko食壽司，仲到Yumiko鬼咁開心。女友開心係好，不過Yumiko講到穿肺咁大鑊，笑得咁緊要，會唔會整親傷口㗎？
Yumiko同Andy打對面坐，Andy不時講嘢女友，笑到Yumiko停唔到口咁滯。
Yumiko係明星，加上戴住大大個頸箍，特別搶眼，難怪後面個哥哥仔係咁𥄫住啦！
