鄭希怡Yumiko帶梁浸浸落潮舖

唱歌難搵食，越來越多歌手經營副業，LMF成員Kevin仔於上環四方街投資的潮店剛開張，門外還貼著「只收現金」的招紙，前晚約8時許，人妻鄭希怡（Yumiko）落舖頭幫手執貨，又幫忙試衫試眼鏡影相，其間Yumiko對一副浮誇黑超好有興趣，戴上後不停問友人意見。

梁浸浸
原來，Yumiko前日下午還帶囡囡「梁浸浸」到店舖，昨日Kevin將他跟Yumiko合照和「梁浸浸」相貼人氣app「17」，並留言：「開心快活就係噚日有個老死過嚟探班，仲帶埋佢超得意個B嚟玩，就係咁簡單。」

採訪、攝影：陳辰、畢紹基
from:http://hk.apple.nextmedia ... 150924/19306695

鄭希怡話囡囡梁子柔𠵱家見到乜嘢都嗌「媽」。

鄭希怡（Yumiko）囡囡梁子柔（梁浸浸）唔經唔覺已經差不多7個月大，噚日Yumiko帶埋囡囡出席海洋公園水上樂園動土禮，同場仲有林建岳同劉鳴煒。Yumiko抱住BB出場，面對咁多閃光燈梁浸浸都好淡定，仲對媽咪攞住嘅咪好好奇。

Yumiko話唔知係咪同個名有關，所以囡囡好鍾意水，而且任何人都可以抱。佢話想趁今次活動之後，帶囡囡睇魚睇動物。講到如果得Yumiko一個人湊女搞唔搞得掂，佢話：「我OK㗎，沖涼換片都係我做，今日佢爸爸（梁學儲）都有嚟，佢都想一家人去探索多啲嘢，多啲家庭活動。」至於爸爸會唔會錫囡囡多啲冷淡咗佢，佢話：「兩個都錫，我都仲有啲地位。」Yumiko為咗囡囡開口識講嘢嘅第一句叫媽媽，自爆不斷喺BB耳邊講「媽」，搞到𠵱家囡囡見乜都嗌「媽」。

鄭希怡噚日同林建岳一齊出席海洋公園水上樂園動土禮。

囡囡每個月覆診

講到囡囡出世時要瞓氧氣箱，Yumiko話：「𠵱家情況漸漸好轉，每個月都要覆診，但都OK，見佢肥肥白白我都安心，輕鬆啲。」佢話要睇多幾個月先知幾時唔使再覆診：「除咗肺都有其他方面要睇，𠵱家每日食藥。」因為要照顧個女，早排接少咗工作。𠵱家仲有好多廣告商斟兩母女拍廣告，佢話：「大部份係嬰兒用品廣告，但係都要睇吓啱唔啱，始終佢仲細。」

撰文：馮仁昭

馮仁昭
from:http://hk.apple.nextmedia ... 151106/19361309