容祖兒（Joey ）同師妹鄭希怡（Yumiko ）、陳雅倫、黃耀明以及黃家諾等，前日喺上海錄影節目《舞林大會》，齊齊大展舞藝。Yumiko 之前曾經喺慈善騷同外地登台時春光乍洩，前晚佢好落力跳舞，但因為太投入又發生露底事件，認真失策。
男拍檔抱起鄭希怡準備轉身時，令Yumiko 再走光。
活動被取消
陳雅倫同拍檔嘅舞姿有啲騎呢，都幾搞笑。
金融海嘯席捲娛樂圈，本來聖誕同新年係藝人搵錢嘅黃金時期，但佢哋都大受影響，Yumiko 牙痛咁聲話：「之前敲定啲七、八個活動都取消咗，理由係呢啲商家冇經費，令我收入大減。上年年底酬勞都會漲價，而家非但唔能夠漲價，能夠維持現狀度過呢段日子就已經好好喇。」Joey 就冇受經濟環境轉差影響，佢話：「我受金融海嘯影響冇咁大，活動冇減少，酬金都冇改變。我希望大家可以咬緊牙關度過難關，我都聽講好多香港藝人開始減酬金。」
鄭希怡著住性感舞衣跳舞，踎低時不慎洩春光。《新浪娛樂》圖片
