流感肆虐，政府宣布幼稚園及小學今日開始停課，提早放年假，天后楊千嬅的囝囝Torres正讀小學，她認同停課：「小朋友健康好緊要，學校同政府咁做都係將感染嘅危險性減到最低。」曾做護士的她亦謂打完疫苗後都要兩星期才能生效：「依家係最凍嘅時間，又係流感高峰期，的確係會有危險，相信佢哋咁做係想Slow Down個蔓延，作為家長梗係安心啲。」
楊千嬅認為讀小學的囝囝健康最重要。林盛斌全家輪住病
另一天后謝安琪的囝囝張瞻正讀小學，她亦贊成停課：「可以減少小朋友喺學校交叉感染嘅機會，學校又可以調動人手徹底消毒同清潔。」對於囝囝早了一星期放年假，她笑言可以與他砌積木及睇中文故事書。
此外，陳琪的兩女分別讀小學及幼稚園，她大呻流感針愈炒愈貴：「我同啲仔女都打晒，我打嗰陣係250蚊，但最近有朋友去打要成800蚊！」至於育有3女1子的林盛斌亦體諒停課安排，他指家人亦輪流中招：「流感實在太嚴重，之前我幾個女同佢哋媽咪都輪住病完，早個禮拜先好番。」
謝安琪諗定節目與囝囝打發時間。
陳琪慶幸與仔女早已接種疫苗。
林盛斌心痛妻女先後患病。
