徐淑敏（Suki）的寶貝女黃心瑤（Vianna）今日一歲生日，Suki與經營餐廳的丈夫黃浩（Kenny）日前邀請親友為囡囡開P，可愛的壽星女以粉紅公主造型現身，名副其實公主駕到，其後又換上小蜜蜂裝，靚爆全場，爹哋更送上銀行戶口，以及每月存錢入戶口。
徐淑敏日前替囡囡黃心瑤在深灣遊艇會舉行一歲生日派對，Vianna跟同場的小朋友玩得十分開心，當父母、爺爺和嫲嫲伴着她唱生日歌和切蛋糕時，她更笑不攏嘴，三代同堂，場面溫馨。
Suki不是在富裕家庭成長，她很緊張囡囡的德育，堅持不可以物質化，但Vianna一歲生日，她與老公Kenny還是放寬尺度，Suki前晚在電話中說：「Vianna生日party嘅兩個造型，係姑媽幫佢設計，人人都讚靚，我只係買咗生日蛋糕畀佢，爹哋就送咗成個party，負責埋單。」Suki還餵Vianna淺嚐蛋糕，她說：「嫲嫲平日唔准Vianna食甜嘢，不過生日咪畀佢試吓。」
身為生意人的Kenny擅於投資，他一向錫到囡囡燶，為讓Vianna有個美好將來，他近日還開了一個銀行戶口給囡囡，按月會存錢為女兒儲蓄，Suki說：「爹哋仲會為我哋買基金。」有了妻女後，Kenny人生目標是努力賺錢，給家人過優質生活。
Suki表示Vianna在生日派對中，全程表現亢奮：「佢就算眼瞓都撐住，見到相機鏡頭又眼仔睩睩，好精靈，所以玩到好攰，返到屋企食完嘢，好快就瞓咗。」
from:
http://hk.apple.nextmedia.com/te ...462&art_id=15076213
