名模周汶錡（Kathy）的法籍男友被發現偷嗒張苡澂，令張苡澂曝光率大增，更聯同風水師好友指周汶錡桃花運極差。Kathy對事件不作回應，但胞妹周麗淇就護姊情深，直指風水師黑心，又暗寸模扮偉大。
周汶錡的法籍男友Julien早前被拍得激吻寂寂無聞的新晉歌手張苡澂，張苡澂即時新聞多多，一時有傳被雪藏、一時又有自稱風水師好友七仙羽現身，狂數周汶錡桃花運差，指兩人分手云云。
鬧風水師黑心周汶錡胞妹周麗淇（Niki）昨日在銅鑼灣出席one2free活動，她起初表示事件屬家姊的私人事，應由姊姊處理，她只是支持其姊的決定。Niki透露Kathy為事件略感不開心，但否認Kathy曾有結婚打算，她說：「佢都冇講過結婚。」會否贊成Kathy跟男友分手？她說：「只要佢開心就得，作為女仔，當然希望對方係好啦，我家姊係個好女仔。」
提到張苡澂的風水好友批Kathy是爛桃花，Niki即說：「唔係啩？咁黑心嘅！我唔識嗰個人，我唔知乜嘢叫爛桃花，總之冇嘢可以影響到佢。」
周汶錡和男友Julien拍拖多年，經常被影到素顏外出。資料圖片
「咁偉大呀？」張苡澂表示自己被狼吻，但此舉可令周汶錡睇清其男友Julien的面目，Niki一聽即微笑暗寸說：「嘩，咁偉大呀？不過我支持家姐，嗰個女仔鍾意講乜就講乜，一啲明智嘅讀者就識得分。」可覺得是有人博出位？她說：「唔知，突然間多咗咁多人、咁多枝節出嚟，唔講喇。」Kathy的電話就轉到留言信箱，其後她透過助手說：「冇嘢回應。」此外，備受廣告商歡迎的Kathy，近期又和李嘉慧、楊崢等，拍了Fancl納米卸妝液新廣告。
